paprikur

Grillaðar paprikur

Grillaðar paprikur


Grillaðar rauðar paprikur eru góðar í marga rétti og það er mjög auðvelt að búa þær til heima. Við grillun verða paprikurnar sætar og gefa gott og djúpt bragð. Prófið að bæta þeim út í súpur, pottrétti, hummus, eggjakökur og pastarétti. Ég notaði til dæmis grillaðar paprikur í Muhammara og Sirene po shopski.

Það er hægt að grilla þær á útigrilli eða í ofni. Ég grillaði paprikurnar heilar fyrir myndatökuna en það er auðveldara að skera þær í 2 – 4 hluta áður en þær eru grillaðar.



Leiðbeiningar


1. Skerið paprikurnar í tvennt eða fernt og hreinsið innan úr þeim.

2.
Ef þið ætlið að grilla þær á útigrilli þá látið þið hýðið snúa niður og grillið þær þar til hýðið verður svart (það þarf ekki að verða alveg kolsvart allsstaðar). Það ætti ekki að taka lengri tíma en ca. 5 mínútur. En það er auðvitað mismunandi eftir grillum.

Í ofni: Hitið grillið í ofninum á hæsta hita. Setjið paprikurnar á ofnplötu og látið hýðið snúa upp. Grillið paprikurnar þar til hýðið er orðið svart (það þarf ekki að verða alveg kolsvart allstaðar). Í ofni tekur þetta um 15 – 20 mínútur. Tékkið reglulega á þeim og snúið ef þær eru ekki að grillast jafnt.

3.
Setjið paprikurnar í skál og plastfilmu yfir eða í lokað ílát. Geymið í svona 20 mínútur. Gufan sem myndast hjálpar til við að losa hýðið af paprikunum.

4.
Fjarlægið allt svarta hýðið vandlega af paprikunum. Skerið þær í strimla, saltið eftir smekk og dreypið á þær ólífuolíu. Ef þið ætlið að geyma þær í ísskáp er sniðugt að setja þær í ílát og hella vel af ólífuolíu yfir.

 
 
 

Leave a Reply

Your email address will not be published. Required fields are marked *

20 − eighteen =