ALT="Chimichurri in glass jar,zucchini,parsley,641 kb"

Argentína: Chimichurri (V)

Argentína

Chimichurri

6/196


Chimichurri er klassísk argentísk dressing búin til úr steinselju, óregano, chili, ediki og hvítlauk. Hún er mikið notuð við grillun á bæði grænmeti og kjöti. Reyndar á allt of miklu kjöti. Heilbrigðisráðherra Argentínu lýsti nýlega yfir áhyggjum sínum af ofneyslu kjöts í Argentínu og biðlaði til almennings um að minnka kjötneyslu og borða meira grænmeti.

Aðaluppistaðan í Chimichurri er steinselja og ef þú ert með steinselju í garðinum er upplagt að nota hana í chimichurri. Dressingin passar til dæmis með grænmetisbuffum og sem salatdressing og hún geymist lengi í ísskáp. Í Argentínu er algengt að pensla kúrbít og eggaldin með chimichurri og grilla.

Innihaldsefni


• 1 vænt búnt af steinselju
• 3 hvítlauksrif
• 1 msk. oregano
• ½ -1 msk. chiliflögur
• 1 bolli ólívuolía
• 3-5 msk. rauðvínsedik (fer eftir smekk)
• Salt og pipar

Leiðbeiningar


A) Setjið öll innihaldsefnin í blandara og blandið í örstutta stund. Dressingin á að vera svolítið gróf.

B) Blandið saman ólívuolíu, rauðvínsediki, chiliflögum, óreganó og mörðum hvítlauk í skál. Saxið steinseljuna smátt og blandið út í. Saltið og piprið eftir smekk.

Grillaður kúrbítur með chimichurri: Skerið kúrbít í sneiðar. Saltið sneiðarnar og pressið vatnið úr þeim. Penslið kúrbítssneiðarnar með chimichurri og grillið.

Berið fram með meira chimichurri, salati og fetaosti. Einnig er gott að rífa sítrónubörk yfir.

Leave a Reply

Your email address will not be published. Required fields are marked *

thirteen − 12 =