bolly-loka-MINNKUD

Bollywood poppkorn

Bollywood poppkorn


Ég ætla að gefa ykkur tvær uppskriftir að indversku poppkorni. Ég fékk svona masala poppkorn í bíó þegar ég bjó á Indlandi og það er ótrúlega gott! Poppið verður líka svolítið hollara vegna þess að það er svo bragðmikið og þá þarf ekki að salta eins mikið og venjulega. Þessi litla uppskrift telst nú varla með sem réttur frá Indlandi en ég er með indverska grænmetisveislu í bígerð og þær uppskriftir birtast von bráðar.

Það er mjög auðvelt að búa til Garam masala poppkornið og innihaldsefnin líklega til í flestum kryddhillum. Chaat masala útgáfan er aðeins flóknari. Því miður vantar tvö innihaldsefni í chaat masala blönduna mína og því er hún ekki alveg ekta. Ég finn nefnilega ekki svart salt og asafoetida í búðum hér. Það eru mikilvæg innihaldsefni en kryddblandan er samt mjög góð án þeirra. Amchoor (þurrkað og malað grænt mangó) er aðal innihaldsefnið og því má alls ekki sleppa. Amchoor fæst í Vietnam market.

Uppskriftirnar miðast við 50 gr. af poppmaís og gefa eina væna skál. Uppskriftin að chaat masala blöndunni dugir í nokkra skammta og geymist vel loftþéttu íláti.



garam masala poppkorn

  • Connector.

    1.

    Blandið saman einni teskeið af garam masala, salti og nýmöluðum svörtum pipar eftir smekk.

  • Connector.

    2.

    Setjið olíuna í pott og hitið hana vel. Setjið poppmaísinn, túrmerikið og cayennepiparinn út í pottinn og blandið kryddinu vel saman við maísinn. Hristið pottinn af og til á meðan poppið er að poppast. Þegar það fara að líða nokkrar sekúndur á milli popphljóða er kominn tími til að taka pottinn af hellunni, annars er hætta á að kryddið brenni við.

  • Connector.

    3.

    Hellið heitu poppinu umsvifalaust í skál og stráið kryddblöndunni yfir. Best er að blanda henni saman við poppið með höndunum. Bætið við salti og svörtum pipar eftir þörfum.




Chaat masala poppkorn

  • Connector.

    1.

    Byrjið á því að rista cuminfræ, kóríanderfræ og fennelfræ á pönnu þar til þau fara að ilma. Steytið kryddin í mortéli eða malið þau t.d. í kaffikvörn. Blandið öllum hinum kryddunum saman við.

  • Connector.

    2.

    Setjið olíuna í pott og hitið hana vel. Stillið á miðlungshita og setjið poppmaísinn út í. Hristið pottinn af og til á meðan poppið er að poppast. Þegar það fara að líða nokkrar sekúndur á milli popphljóða er kominn tími til að taka pottinn af hellunni.

  • Connector.

    3.

    Hellið heitu poppinu umsvifalaust í skál og stráið ca. matskeið af chaat masala yfir. Best er að blanda kryddblöndunni saman við poppið með höndunum. Bætið við salti og svörtum pipar eftir þörfum.



Chaat masala


• 50 gr. poppmaís
• 2-3 msk. olía

• 3 msk. cuminfræ*
• ½ msk. kóríanderfræ*
• ½ msk. fennelfræ*
• 1 tsk. þurrkuð mynta
• ½ tsk. malað engifer
• 1 ½ msk. amchoor **
• Cayennepipar eftir smekk
• 1 tsk. garam masala
• 1 tsk. salt
• Svartur pipar

* Það má líka nota malað cumin, kóríander og fennel.

** Malað og þurrkað grænt mangó. Fæst í Vietnam market.

Garam Masala


• 50 gr. poppmaís
• 2-3 msk. olía
• ½ tsk. túrmerik
• Cayennepipar eftir smekk*
• 1 tsk. garam masala
• Salt og svartur pipar eftir smekk

* Ef þið viljið hafa poppið sterkt þá er ¼ tsk. af cayennepipar sennilega alveg nóg.

 

Leave a Reply

Your email address will not be published. Required fields are marked *

10 − 9 =