aussieburgeroptimized

Ástralía: Aussie burger (V)

Ástralía

Aussie burger

5/196


Aussie burger er ekki hefðbundinn grænmetisréttur en það er ekki um auðugan garð að gresja í grænmetismatarmenningu Ástrala. Þannig að ég ákvað að breyta venjulegum Aussie burger í grænmetisborgara. Ég sé ekki eftir því vegna þess að þetta er alveg ótrúlega góður grænmetisborgari. Súrsaðar rauðrófur og grillaður ananas gefa honum mjög sérstakt bragð.

Það er auðvelt að breyta honum í vegan borgara með því að nota vegan majónes, vegan ost og sleppa egginu. Ég mæli þó með því að nota avocado eða kartöfluskífu í stað eggsins til þess að vega upp á móti sæta bragðinu af ananasnum og rauðrófunni.

Það er vel hægt að nota niðursoðnar rauðrófur en það er fljótgert að búa til súrsaðar rauðrófur heima og þær eru mikið betri. Ég notaði þessa uppskrift: Quick pickled beets

Innihaldsefni


• 1 hamborgarabrauð (ég notaði brioche)
• 1 grænmetisborgari að eigin vali
• Rauðlaukur
• Salatblöð
• Grilluð ananassneið
• Súrsaðar rauðrófur
• Cheddar/vegan cheddar
• Chili mayo eða vegan mayo
• Steikt egg (helst frá frjálsri hænu eða í það minnsta vistvænt)
• Avocado eða kartöfluskífa fyrir vegan

Leiðbeiningar


1. Byrjið á því að búa til chili majónes. Blandið saman majónesi og sriracha, eða annari chilisósu, í hlutföllum eftir smekk. Það er líka hægt að nota tómatsósu og chilisósu.
2. Ef þið notið ekki egg mæli ég með því að nota avocado eða kartöfluskífu til þess að vega upp á móti sætunni í ananasnum og rauðrófunni
3. Grillið ananassneiðina í ofni eða á grilli.
4. Grillið grænmetisborgarann og hitið brauðið.
5. Raðið borgaranum saman. (Ekki gleyma rauðrófusneiðunum, þær eru aðalmálið).

Þá er Aussie borgarinn tilbúinn! Berið fram með frönskum og meira chili majónesi.

Leave a Reply

Your email address will not be published. Required fields are marked *

3 × two =